Commerces en difficulté dans les centres-villes : les mesures de l'ADEC
(A redazzioni d'Alta Frequenza) - A prublematica di i cummerci in difficultà in i centri cità hè stata amintata ghjovi scorsu mentri a seenza di i dumandi à bocca à l’Assemblea di Corsica. Un sughjettu purtatu da u gruppu Femu a Corsica è una di i so cunsighjeri tarrituriali, Mattea Casalta. Pighjendu com’è asempiu u custatu putenti di u spiazzamentu prugressivu di l’attività ecunomica di u centru cità d’Aiacciu ver di a so periferia, nant’à a cumuna di Sarrula Carcupinu in particulari, l’eletta naziunalista hà vulsutu intarrugà u presidenti di l’ADEC. Un discorsu ch’è no pudariami riassuma cù dui dumandi : hè ssu mudellu ecunomicu quì ch’è no vulemi pà a nostra isula ? Chì sò l’urientazioni pà migliurà a situazioni di i cummircianti chì vedini mora u so centru cità ? Ghjuvan Cristofanu Angelini hà rispostu di sicuru à l’intarrugazioni di a cunsighjera tarrituriali Femu a Corsica. « L’attività cummirciali è artisgianali di vicinanza in mezu urbanu sò ditarminanti pà u nostru tissutu ecunomicu », hà incalcatu u presidenti di l’ADEC, chì ricusa oghji un mudellu ecunomicu cunsacrendu « l’ecunumia di franchizi contr’à un’ecunumia di pruduzzioni ». Ghjuvan Cristofanu Angelini hà vulsutu ditaglià una seria di misuri cuncreti è finanziati par aiutà u più pussibuli i cummircianti è l’artisgiani.
U stemi à senta.
Sur le même sujet
