Corsica Libera demande la remise en liberté immédiate de Cédric Courbey
(A redazzioni d'Alta Frequenza) - In un cumunicatu di stampa ghjuntu ind'a nostra redazzioni, Corsica Libera "susteni à Cédric Courbey, arristatu dumenica scorsa è imprighjunatu ind'u rughjoni di Parighji". Sicondu u muvimentu naziunali, Cédric Courbey hè statu arristatu "calchì ghjornu dopu à a numinazioni di un novu Primu ministru in Francia". "Quand'ellu era ministru di l'Internu, Manuel Valls hà cuntinuatu a listessa pulitica riprissiva contr'à u muvimentu naziunali cà l'altri ministri di prima, ancu quilli di Diritta. Di pettu à u novu paisaghju puliticu in Corsica, inghjinnatu da i travaghji purtati à l'Assemblea di Corsica chì ripighjani parechji rivindicazioni purtati da u nostru muvimentu dipoi dicennii, è di pettu à l'ultimi risultati eletturali in Corsica, spiravami chì u guvernu francesi sapparia pighjà a misura di a situazioni è entra ind'una via di dialogu è ind'un prucedimentu di surtita di crisa" spieca Corsica Libera, chì finisci spiechendu chì "mentri chì tutti i forzi di pulizza prisenti in Corsica sò accaniti contr'à i nostri militanti, i gruppi maffiosi poni scruccunà è tumbà in impunità tutali è a Corsica, ella, pò cuntinuà ad annigà si". Corsica Libera susteni à Cédric Courbey è dumanda a so libarazioni subbitu.
Sur le même sujet
