Décision du Conseil constitutionnel concernant les arrêtés Miot : l'ACEM se positionne et propose
(A redazzioni d'Alta Frequenza) - L'arresti Miot ! A mascina di i media hà viaghjatu forti torna dopu à quilla dicisioni di u Cunsighju custituziunali, postu chì a surpresa hè stata tutali, dinò da u cantu di i diputati UMP di Corsica chì ùn ani vistu ghjunghja nulla. Arresti Miot, è di a fiscalità in ghjinirali, si n'era dighjà parlatu eppuru tuttu l'annu 2012 è frà altru nant'à i banchi di l'Assemblea di Corsica. À u mesi di lugliu scorsu par asempiu, avia dittu di sì à dui deliberazioni rilativi à u regimi fiscali pà i successioni in Corsica, è nant'à u regimi dirugatoriu nant'à a fiscalità rilativa à u tabaccu. Ci voli à andà pianu ! Era l'idea cumuna chì era sempri in menti l'istati scorsu pà l'Arresti Miot è si pò dì oghji chì l'affari hà datu tortu à tutti quilli chì vuliani andà pianu ghjustu appuntu. Nova riazzioni, quilla di Ghjuvan Filici Acquaviva, à nomi di l'Associu Corsu di l'Eletti di Muntagna. L'ACEM, chì chjama à a mubilisazioni di tuttu ognunu, s'avvicinarà d'altrondi da quì à pocu di l'Associ di merri di Corsica Suttana è di Corsica Suprana pà fà li dui pruposti bè pricisi. A prima, a presa in furia di una deliberazioni da ogni cunsighju municipali di l'isula inghjiru à una riforma custituziunali cù u scopu di trasferiscia à a Corsica a cumpetenza fiscali è parmetta u mantinimentu di l'esunerazioni fin'è u 2017, com'è a voli frà altru l'Assemblea di Corsica. A siconda s'arremba nant'à l'urganisazioni, ind'u trimestru di quist'annu, di un referendum inde ogni cumuna nant'à u stessu tema pà mandà un segnu forti à u guvernu.
Écoutez Jean-Félix Acquaviva, président de l’Association Corse des Elus de Montagne.
Sur le même sujet
