Derby ACA-SCB : les supporters bastiais devraient être interdits de déplacement
Le dernier derby ACA-SCB, le 12 mars 2022 à Timizzolu
Eccu una infurmazioni data da france 3 Corsica Via Stella : dui arresti, unu ministiriali è l’altru prifitturali, ani da essa publicati in i ghjorna à vena in u quadru di u derby trà l’AC Aiacciu è u SC Bastia, privistu in Timizzolu luni ch’entri.
À senta ni a nova data da i nosci culleghi, « ùn ci ni duvaria essa sustinidori bastiacci à u stadiu François Coty »
Ùn hè una surpresa issa dicisioni chì una intirdizzioni cumpagna si era dighjà fatta pà l’altri derby, da impidiscia u dispiazzamentu di i sustinidori di i dui squadri.
Ma hè vera ch’issi deci anni, baruffi trà sustinidori ci n’hè statu uni pochi, pà issi scontri trà squadri corsi.
Eppuri, d’austu, erani stati ancu più gravi l’intoppi, pà u scontru trà l’ACA è Bordeaux.
I sustinidori di Bordeaux, intirditti di dispiazzamentu, ùn aviani rispittatu l’arrestu è erani intruti in u stadiu, pruvuchendu i baruffi è l’intarruzzioni di u scontru pà un’ora.
