Drapeaux corses à Timizzolu : l'AC Aiacciu condamné à 1000 euros d'amende avec sursis
(A redazzioni d'Alta Frequenza) - U club di l'AC Aiacciu hè statu cundannatu à un'amenda di 1000 auri attimpati par avè fattu svintulà banderi corsi duranti u protocollu d'intrata di i ghjucadori nanzi a partita contr'à Valenciennes. A cumisisoni di i cumpetizioni di a LFP cunsidareghja chì u club ùn hà micca rispittatu u protocollu d'intrata di i ghjucadori. A cumissioni di i cumpetizioni hà fattu rimarcà dinò, ind'u so prucessu verbali, u fattu d'avè mustratu banderi di a Liga contr'à u Cancaru, purtati da i listessi zitelli duranti ssu famosu protocollu. L'amenda hè solu simbolica, ma duvaria fà crescia torna appena di più a pulemica dighjà bè rilanciata dipoi arisera, cù a suspensioni di Jean Louis Leca, u ghjucadori di u SC Bastia.
