DSP sur Toulon : la CGT des marins étaient présent à l'assemblée de Corse
(A redazzioni d'Alta Frequenza) - Assemblea di Corsica. Senza parlà di a famosa "clause de revoyure", tinuta cara da i spicialisti di i quistioni di cuntratti publichi, omu hà dicisu quantunqua di ritruvà si di sittembri da trattà di u prublema difficiuli di u portu di Tulò. "A la longueur du pantalon on voit qu'il est de Toulon", dici u dettu pupulari, ma ùn hè micca lighjendu u raportu di l'Esecutivu ch'ellu s'hè pussutu veda spuntà a suluzioni da allargà nant'à u portu di u Var a dilegazioni di serviziu publicu maritimu. U dibattitu di vennari scorsu hà missu in fatti in risaltu una maghjurità larghissima di l'Assemblea di Corsica contr'à issa pussibilità, ciò chì laca priveda un dibattitu puliticu di prima trinca pà a riintrata. Ùn si sà s'è, com'è a notti, a statina porta à rifletta, ma di pettu à l'affirmazioni di i pusizioni, hè pocu pussibuli chì tuttu u mondu ci truvessi u so contu. Com'è l'emi ditta, i sindicati di salariati di i cumpagnii cuncirnati erini prisenti à l'uccasioni di issu dibattitu è ci ani datu u so sintimu, o ancu u so timori. A CGT di i marinari di a SNCM hà rilevatu bella sicura a prudenza strema di a maghjurità di manca di l'assemblea di Corsica chì, fora di u gruppu cumunistu, hà sustinutu issu raportu cà pochissimu. Un affari chì inchieta ?
Écoutons Frédéric Alpozzo, qui avait fait le voyage depuis Marseille.
