Election des présidents des deux conseils départementaux de Corse ce matin
(A redazzioni d'Alta Frequenza) - Hè oghji (ghjovi) à partasi di 10 ori chì ci sarà a stallazioni di i dui cunsighji dipartimintali novi di Corsica cù, à u prima pianu, l’alizzioni di u novu presidenti par ogni istituzioni. In Corsica Suttana, u presidenti attuali, Jean Jacques Panunzi è u presidenti di a federazioni UMP suttanaccia, Marcel Francisci, duvariani essa tramindui in corsa duranti un’alizzioni chì s’annunzia assai strinta è indecisa. Pari chì a situazioni sighi più simplici in Corsica Suprana induva u presidenti attuali François Orlandi, dopu a vittoria di a maghjurità dipartiminali, rinfurzata duranti l’alizzioni di dumenica, duvaria essa elettu torna senza surpresa. Risultati, analisi è riazzioni ind’i nostri nutiziali chì venini, ma dinò annant’à u nostru situ internet, alta-frequenza.com è annant’à i nostri reti suciali.
Sur le même sujet
