Football - Claude Ferrandi nouveau président du SC Bastia, Stéphane Rossi entraîneur
(A redazzioni d'Alta Frequenza) - Stavolta, hè cunfirmata, ed hè ufficiali, u SC Bastia hà cambiatu di guvernenza. In fatti, dopu un'assemblea generali strasurdinaria, l'associu Sporting Club Bastiacciu hà elettu un scagnu novu. Claude Ferrandi hè u novu presidenti di u SC Bastia, Pierre Noël Luiggi u vici presidenti. L'avucatu Marc Antoine Luca hè u secretariu novu di l'associu, Henri è Gilbert Ferrandi ni diventani membri. À u nivellu spurtivu, u club hà cunfirmatu a numinazioni di Stéphane Rossi com'è intrenori di a squadra chì ghjucarà dunqua in Naziunali 3. Cù a dichjarazioni di sbilanciu di a SASP ssu ghjovi da l'anziani dirighjenti bastiacci, a squadra dirighjenti è spurtiva nova hà da pudè principià u travaghju difficiuli di ricustruzzioni nant'à i ruvini lacati da l'anziani azziunari è dirighjenti di u club.
