Football (Ligue 1) - Derby ACA-SCB: la réaction de Sébastien Squillaci
(A redazzioni d'Alta Frequenza) - Hè ind'un ambiu degnu di una catedrali chì l'AC Aiacciu è u SC Bastia ani fattu un risultatu à paru, 1-1, pà a 16a ghjurnata di Lega 1 è un derby ghjucatu in Istres è senza publicu. Sò i bastiacci chì si sò fatti rimarcà i primi, scrivendu a prima reta à a 9a minuta, grazia à a prima rialisazioni cù a maglietta di u Sporting di Florian Raspentino, chì dopu avè passatu à Dielna cù appena di riescita, hà battutu u guardianu aiaccinu Ochoa. L'aiaccini, abusendu di ballò longhi, ùn ci la faciani micca à sorta si ni, mentri chì i bastiacci ammaistravani largamenti a partita, avendu ancu uccasioni numarosi. Dopu à a pausa, listessa cunfigurazioni fin'è a sclusioni cuntistevuli di l'aiaccinu Nadeau par via di una falta nant'à Ba à a 62a minuta. Da tandu, i ghjucadori di Christian Bracconi, ridutti à deci contr'à ondeci, si sò cappiati di più di manera paradussali; sforzi chì ani pagatu, postu chì vinti minuti dopu, Eduardo, bè sirvutu à i 25 metri da Cavalli, battia à Landreau cù un picculu lob. Una gattiva uparazioni à a fini pà u Sporting è u puntu di a spiranza pà l'ACA dopu à ssu derby chì ùn firmarà micca stampatu ind'i menti. À a classifica, i bastiacci sò à un bellissimu 8u postu malgradu tuttu cù 23 punti, mentri chì l'aiaccini sò sempri 19i, cù sei unità di menu di pettu à a prima squadra fora di a zona rossa.
Steti à senta a riazzioni di u difensori bastiacciu, Sébastien Squillaci, intarrugatu nant'à BeIn Sport.
Sur le même sujet
