Football (Ligue 1) - Enzo Crivelli prêté au SC Bastia
(A redazzioni d'Alta Frequenza) - U SC Bastia cuntinueghja u so marcatu di i trasferimenti. Mentri chì Abdelhamid el Kaoutari duvaria rinfurzà in furia a difesa cintrali impristatu da Parlermu, un'antra ghjunta hè stata ufficializata. In fatti, sicondu una cumunicazioni di i Girondins de Bordeaux, l'attaccanti Enzo Crivelli, vintitrè anni, hè statu impristatu pà una staghjoni senza uzzioni par essa cumpratu à u Sporting, chì ùn avarà micca u dirittu di fallu ghjucà duranti i partiti contr'à i Girondins. Un imprestitu à a dumanda d'Enzo Crivelli sicondu u club cuntinintali, pà pudè ghjucà di più. L'attaccanti, chì ghjoca u più in avanti, t'hà piuttostu un prufilu fisicu cà tennicu, pisendu nant'à i difensori pà crià situazioni pà i so cumpagni di l'attaccu. Hà scrittu quattru rialisazioni in quarantadui partiti di Liga 1.
