Football (Ligue 1) - L'AC Ajaccio arrache le nul contre Bordeaux (1-1)
(A redazzioni d'Alta Frequenza) - 33a ghjurnata di Lega 1, l'AC Aiacciu s'hè buscatu u puntu di u risultatu à paru annant'à u so tarrenu ssu sabbatu à sera contr'à Bordeaux, 1-1. Dopu à un primu tempu di un annoiu prufondu, tuttu s'hè ghjucatu dopu à a pausa. I visitori ani fattu trimà i reti corsi à a 62a minuta grazia à Jussiê, dopu à una penalità da luntanu è una ripresa ghjustu dopu. L'aiaccini, duminati, si sò rivultati tandu è ùn ani cappiatu nulla, riiscendu ad egualizà à l'85a minuta annant'à una magnifica ripresa di Mostefa à l'intrata di a zona di u guardianu di Bordeaux. Dopu à ssa partita, i bianchi è rossi sò sempri ultimi cù 20 punti. S'è Guingamp faci un risultatu à paru ssa dumenica, l'ACA sarà di manera ufficiali in Lega 2.
Steti à senta a riazzioni di l'intrenori aiaccinu, Christian Bracconi.
Sur le même sujet
