Football (Ligue 1) - L'AC Ajaccio continue de prospecter afin de se renforcer
(A redazzioni d'Alta Frequenza) - Dopu à a ghjunta d'Eduardo, l'AC Aiacciu duvaria cuntinuà à rinfurzà si, da assicurà u so mantinimentu in Lega 1. Cumpletamenti rilanciati, dopu à trè successi à a fila, i dirighjenti aiaccini ani dicisu di cuntinà i so sforzi. Si sà chì Olivier Pantaloni hè in cerca di un difensori di latu manca di sparienza. Iss'ultimu duvaria essa Felipe Saad, un Bresilianu di 28 anni, chì porta i culori di Evian. Iss'ultimu hè ghjuntu in Francia, in Guingamp, in Lega 2 (76 partiti), squadra cù a quali hà vintu a cuppa di Francia in u 2009, cù Eduardo. Hè dipoi un annu è mezu cù Evian, cù u quali hè statu campioni di Francia di Lega 2 di maghju scorsu. Fora di una suspresa, duvaria spona i so valisgi in Aiacciu da quì à pocu. Frà l'altri pussibilità, calchì nomi circuleghja, com'è quillu di Lassaad Nouioui. Hè in fatti un attaccanti tunisianu, natu in Marseghja, chì ghjoca à a Corogna, in Spagna, dipoi calchì annu. Iss'intarnaziunali A tunisianu di 26 anni pudaria custituiscia una ghjunta di scelta ind'u settori uffensivu.
Sur le même sujet
