Football (Ligue 1) - La fin d'une ère pour le SC Bastia face au FC Nantes
(A redazzioni d'Alta Frequenza) - Pà a 38a è ultima ghjurnata di Liga 1, u SC Bastia, dicesimu, ghjucarà contr'à u FC Nantes, dodicesimu. Ma aldilà di un scontru chì pudaria veda in casu di vittoria è risultati pusitivi u Sporting compia à l'ottesimu postu, vali à dì a so più bona classifica dipoi tredeci anni, sarà una sirata carca à emuzioni parchì fatta d'addii. Quilli di Frédéric Hantz, prima, l'intrenori chì hà parmissu à u club di vultà da l'infernu di u Naziunali fin'è u paradisu di a Liga 1 cù una rapidità esemplaria, quattru anni di vita cumuna chì pudarani mai essa sminticati à volta pà l'intrenori, ma dinò pà tuttu u publicu bastiacciu chì li rindarà l'umaghju ch'ellu merita, quilllu di un populu, u populu turchinu, à u so eroi. Dui ghjucadori partarani à a ritirata cù a maglia di u Sporting, Mickaël Landreau, chì ghjucarà u so 618u è ultimu scontru di Liga 1, è Julien Sablé. D'altri, com'è Maoulida, Ilan è forsa Modesto ghjucarani pà l'ultima volta in turchinu, com'è Bruno è Raspentino, i duio ghjucadori impristati di manera rispittiva da Lille è Marseghja chì pudaria veda i so addii trasfurmà si in un simplici avvedaci s'è u Sporting voli è t'hà a pussibulità di tenali. Un capitulu sanu di a vita di u club s'hà da chjoda cù un focu d'artifiziu stasera à 11 ori dopu à a partita, ma da fà chì ssa fini sighi bella, ci vularà à pruvà à metta da cantu u cuntestu com'ellu a ci dici Frédéric Hantz.
Steti à senta à Frédéric Hantz.
Sur le même sujet
