Football (Ligue 1) - Le SC Bastia pulvérise Lyon (4-1)
(A redazzioni d'Alta Frequenza) - Eroichi. Eccu l'aghjettivu chì pò qualificà i ghjucadori di u Sporting Club di Bastia chì ani currettu u sicondu di u campiunatu, l'Olympique Lyonnais, 4-1. Subbitu, contr'à visitori dimustrendu una mediocrità micca abituali, u Sporting hà impostu una prissioni impurtanti è hà avutu assai uccasioni. Khazri è Thauvin, frà altru, erani propiu difficiuli à tena pà una difesa di Liò à straziera. È issu duettu infernali hà missu u focu à a 44a minuta, ghjustu nanzi à a pausa nant'à un bellissimu contru lanciatu da Harek, duva Khazri, chì hà fattu una corsa assai longa, hà sappiutu rimetta u ballò à un Thauvin solu chì hà pussutu scriva a so reta. Dopu à a pausa, u listessu scenariu si prisintava, ma contr'à u corsu di u ghjocu, Lisandro egualizava à a 54a minuta. Ma u Sporting ùn s'hè micca smubilizatu, rivultendu si à u cuntrariu contr'à i gones, chì ani incasciatu una reta dui minuti dopu, stavolta di Modeste sirvutu da Khazri. Cinqui minuti dopu, Thauvin ni mittia un'antra. Infini, à l'86a, Khazri hà chjosu l'affari ind'una partita duva omu si dumandava quali era u sicondu di u campiunatu è quali ghjucava u mantinimentu, mentri chì u Sporting avaria pussutu metta una o dui reti in più. Dopu à issa partita, u Sporting ferma quatordicesimu cù 33 punti, ciò chì parmittarà à u club di rispirà nanzi à dui settimani senza scontri.
Ecoutez l'entraîneur bastiais, Frédéric Hantz.
Sur le même sujet
