Football (Ligue 1) - Rien n'est perdu pour l'AC Ajaccio
(A redazzioni d'Alta Frequenza) - Ghjocu à ballò, Lega 1, gattiva uparazioni pà u scopu mantinimentu pà l'AC Aiacciu, chì hà cuncessu u risultatu à paru, una reta à una, contr'à Liò, duranti a nanzi ultima ghjurnata di u campiunatu. Dopu à un primu periudu assai à straziera, l'Aiaccini ani incasciatu una reta à a 54a, contr'à visitori eppuru ridutti à deci, dopu à a sclusioni di unu di i soi. I Corsi ani malgradu tuttu riagitu à lestra, nant'à un penalty d'Eduardo, cinqui minuti dopu. Da nutà chì à l'80a minuta, un penalty avaria pussutu essa zifulatu à prò di i Rossi è Bianchi, par via di una falta nant'à Kinkela. Un affari chì costa forsa u mantinimentu di iss'ultimi. À una ghjurnata di a fini è di pettu à i risultati sfavurevuli di i sfarenti cuncurrenti diretti, l'ACA casca ind'a zona di rilegazioni, 18u cù 38 punti, ma à paru cù Brest è Dijon, 16u è 17u. I ghjucadori d'Olivier Pantaloni devini dunqua, s'elli volini firmà in prima divisioni, vincia in Toulouse, dumenica chì veni.
Écoutez Olivier Pantaloni, l'entraîneur de l'ACA.
