Football (Ligue 1) - Victoire à l'arrachée pour le SCB et réaction de G. Printant
(A Redazzione d'Alta Frequenza) - Incuraghjì à u Sporting cumovi à veru, è issu macciu di a 34esima ghjurnata di Liga 1 n'hà datu a prova, postu chì u Sporting hè andatu à circà, in l'ultimi minuti, un successu di valori in a via di u mantinimentu à nantu à u tarrenu d'Evian Thonon Gaillard, cù una vittoria 2-1. In u primu periudu, i bastiacci ùn la li facini micca à entra in a partita cù un bloccu squadra troncu in dui è malgradu pochi uccasioni. In fini d'issu periudu, un pesu maiori si hè spostu à nantu à i spaddi di i ghjucadori di Ghislain Printant, quandu in cori à una difesa è un guardianu moddi moddi, Sunu hà marcatu dopu à 43 minuti. Vultati da i vistiaghji in pusizioni di riligazioni, i Bastiacci, cù a stizza in corpu, si faciani più rabbiosi. Una vulintà è una qualità di ghjocu chì farani pesu par via di Danic, chì rigalò una balla à Kamano dopu à 59 minuti. U Sporting hà tandu spintu à Evian. Dopu à parichji uccasioni mancati è à 86 minuti di ghjocu, Palmieri centra par Kamano chì marca un'altra volta. Issa vittoria rimpatta a disfatta di a sittimana scursa contru à Reims è permetti à Bastia di ricuddà à a tredicesima piazza è di metta si à trè punta di Evian, primu à risicà a falata. Steti à senta à Ghislain Printant
Sur le même sujet
