Football (Ligue 2) - Gaétan Charbonnier et Mahamé Siby arrivent au SC Bastia
Vennari, mentri a cunfarenza di stampa d’innanzi scontru, Régis Brouard, l’addistradori bastiacciu, hà lintatu calchì infurmazioni di u marcatu.
Hà datu cunfirma di a ghjunta, da Saint-Etienne, di Gaëtan Charbonnier.
D’età 35 anni, u ghjucadori hà fattu un’attaccu di staghjoni in chjaruscuru in u Forez : ùn hà marcatu chè una volta, avendu ripresu dopu à una rumpitura di i ligamenti cruciati llu ghjinochju.
Gaëtan Charbonnier hà ghjucatu cù Angers, Montpellier, Reims, Brest o Auxerre. Hà fattu 179 scontri in prima divisioni è 226 in siconda. Hà marcatu trenta volti in prima divisioni, è 83 in siconda.
In mezu tarrenu, u malianu Mahamé Siby, d’età 27 anni, hà da parta da Malmö par ghjunghja in Bastia.
In u 2021-2022, hà fattu una staghjoni piena in siconda divisioni cù u parigi FC.
Ma cù Malmö, ùn hà ghjucatu chè 101 minuti par dui staghjoni, issendu si troncu l’arsaconu.
Christophe Ibayi, attaccanti corsu di Rouen furmatu à u Sporting, ùn duvaria ghjunghja in Bastia, à senta ni à Régis Brouard.
