Football (Ligue 2) - L'ACA sévèrement battu à Guingamp 3 à 0
Photo : AC Aiacciu
Pà a sesta ghjurnata llu campiunatu di siconda divisioni, l’AC Aiacciu si n’hè mossu à ghjucà in Guingamp.
Par disgrazia, à tempu attaccatu u scontru, Touzghar, solu davanti à u guardianu brittonu, mittia a biscica à nantu à u palu. Subitu dopu in contrattacca, El Ouazzani marcaia di capu pà i lucali.
Ùn erani passati tandu chè quattru minuti di u scontru. Una meza ora dopu, l’ACA incasciaia un sicondu marcu, missu issa volta dinò da El Ouazzani.
Com’è in Caen calchì sittimana fà, i ghjucadori aiaccini pirdiani u filu di u scontru. Supranati com’è mai, l’aiaccini avariani pussutu avè un calciu di riparu innanzi à u posu, parvia d’un’azzioni pocu rigulara contru à Vincent Marchetti, ma ùn l’hè statu cuncessu.
A ripresa llu scontru era meddu pà l’aiaccini, ma li mancaia quantunca u liveddu par ripiddà u filu d’unu scontru ammaistratu bè da Guingamp. I brittoni d’altrondi aviani da metta un terzu marcu in contrattacca, dopu à 79 minuti di ghjocu.
Issu marcu di trè à zeru fù u marcu finali.
Cù issa disfatta, l’ACA si ferma in ghjò di a classifica. Li ci vurrà dunqua à riagiscia prestu.
Sur le même sujet
