Football (Ligue 2) - Le CA Bastia s'incline face à Nancy (1-2)
(A redazzioni d'Alta Frequenza) - Ssu sabbatu ind'u fornu di un dopu meziornu d'aostu nant'à u tarrenu di Furiani, u CA Bastia hà persu di logica contr'à Nancy 2-1. Forsa aiutati da u caldu, i cabisti ani ammaistratu u ghjocu subbitu contr'à visitori appena bluccati ma quantunqua di più periculosi à l'attaccu. Dopu à a pausa duva tuttu u mondu hà pussutu bia à a mità di u primu tempu, i ghjucadori di Nancy ani ripresu a suprana è ani ancu scrittu una reta, Jeannot battendu a difesa cabista è u so guardianu Lombard à a 33a minuta cù un picculu tiru à rasu di tarra. Dopu à a pausa, u CAB hà riagitu à lestra postu chì à a 48a minuta, Grimaldi hà egualizatu cù un bellu tiru. I bastiacci erani à paru cù i visitori, ma à a 62a, Camara hà fattu cascà Jeannot ind'i 16 metri inghjinnendu un penalty trasfurmatu da Moukandjo, Nancy passendu torna davanti. Ind'un scontru chì s'hè equilibratu, Grange, senza raghjoni vera, hà puntatu cù viulenza à Camara, chì hè cascatu à 75a, lachendu i soi cumpagni di Nancy à deci contr'à ondeci dopu à a so sclusioni. Malgradu ssa spulsioni è cambiamenti dendu un prufilu più uffensivu à a squadra di Stéphane Rossi, i cabisti ùn sò micca righjunti, ancu s'è un corner à a fin di a partita avaria pussutu dà un penalty dopu à una manu di un visitori. À a classifica, u CAB hè 17u, senza puntu.
Ecoutez l'entraîneur du CAB, Stéphane Rossi.
Sur le même sujet
