Football (Ligue 2) - Le GFC Ajaccio ramène un bon point d'Auxerre (1-1)
(A redazzioni d'Alta Frequenza) - U Gazélec d'Aiacciu s'hè buscatu ghjustu avà un bunissimu puntu in Bourgougne, grazia à un risultatu à paru contr'à l'AJ Auxerre, 1-1. Sò i lucali chì, forti di una bella duminazioni in principiu di partita, ani scrittu a prima reta, nant'à un tiru d'Olivier Kapo à a 34a. I ghjucadori di Jean-Guy Wallemme ani da essa malgradu tuttu ridutti à deci, quattru minuti nanzi à a pausa, dopu à a sclusioni di Marco Ramos. Un fattu di ghjocu chì hà apprufittatu à a furmazioni di Ghjuvan Micheli Cavalli ind'u sicondu tempu, sitendu si assai meghju è mustrendu si di più in più periculosi, alidilà di i simplici penalità è corners. È malgradru a spulsioni da u cantu aiaccinu d'Ibrahim Rachidi à l'86a, i sforzi uffensivi di i Diavuli Rossi sò stati ricumpensati trè minuti dopu, nant'à un tiru di 20 metri di Nicolas Verdier, intrutu nant'à u tarrenu appena nanzi. Una bona uparazioni pà u GFCA, sempri 19u ma chì t'hà ondici punti in dodici scontri ghjucati.
Sur le même sujet
