Football (National) - Le CA Bastia se prépare à une saison comme favori
(A redazzioni d'Alta Frequenza) - Vennari chì veni, u CA Bastia hà da cumincià a so staghjoni in Naziunali andendu annant'à u tarrenu di u Parighji FC. È ssa siconda staghjoni in Naziunali di a storia di u club cabistu ùn avarà nulla à chì veda cù a prima. S'è i bastiacci, chì si duviani mantena di manera difficiuli, aviani criatu a surpresa cullendu à l'ultima ghjurnata in Liga 2 dui staghjoni fà, quissi quì sò oramai favuriti pà a ricullata in siconda divisioni. Ci voli à dì chì fendu parti cù Istres di i dui soli clubs prufiziunali di u campiunatu, u CAB sarà oramai a squadra à batta. Una ricullata chì hè un scopu pà i cabisti, chì ani rinnuvatu di modu prufondu u so effettivu, parechji partenzi à mezi à i membri di l'effettivu chì erani quì dipoi u Naziunali è ancu prima pà certi essendu stati arrighjistrati, mentri chì ghjunti, qualitativi ma menu numarosi, sò stati cuncretizati pà pudè furmà un gruppu più ristrettu ma più omogenu.
Steti à senta l'intrenori di u CAB, Stéphane Rossi.
