Football (Transfert) - Anthony Lippini à l'AC Ajaccio : c'est pas fait
(A redazzioni d'Alta Frequenza) - À u cuntrariu di ciò ch'ellu amintava u ghjurnali L'Equipe arimani, Anthony Lippini ùn hè ancu un ghjucadori di l'AC Aiacciu. Hè vera chì l'anzianu difensori laterali dirittu di l'ACA, oghji in fin di cuntrattu in Clermont, hè bramatu da Olivier Pantaloni è u so staff. Ma ùn c'hè nulla di fattu. Sicondu i nostri infurmazioni, s'è Anthony Lippini ùn saria micca contr'à un ritornu in u club di u so cori, ci voli à truvà quantunqua un accordu. Soprattuttu chì parechji altri clubs si sò avvicinati da u difensori assai appreziatu da u publicu aiaccinu. Ci hà da vulè forsa ad aspittà l'apartura ufficiali di u marcatu d'istati pà sapenni di più annant'à ssu trasferimentu pussibuli.
Sur le même sujet
