Frédéric Hantz a reçu la médaille de la ville de Bastia
(A redazzioni d'Alta Frequenza) - Ci sò omi chì scrvini a storia di un club di ballò com'è u SC Bastia, ma chì aldilà di què, lacani un ricordu tremendu pà a cità sana di pettu à u so impegnu. Hè u casu di Frédéric Hantz, chì hà intrenatu duranti quattru anni u Sporting Club di Bastia, è chì hà ricivutu un umaghju sulennu da u merri di Bastia, Gilles Simeoni, i so aghjunti, è eletti di l'uppusizioni com'è Jean Zuccarelli, mentri chì u so staff è Yannick Cahuzac, u capitanu di u SC Bastia, erani prisenti dinò. Erani tutti quì pà insista annant'à u fattu chì Frédéric Hantz hà cambiatu u visu di un club in una situazioni pessima quand'ellu hè ghjuntu, ma dinò i qualità di l'omu è u so esempiu tremendu d'integrazioni à a vita bastiaccia, o ancu a so fiertà di purtà i culori bastiaccia in tutta a Francia. In ricunniscenza di a so azzioni, u merri di Bastia hà datu à Frédéric Hantz a midaglia di a cità. Un mumentu cummuventi di sicuru pà l'anzianu intrenori di u Sporting, chì era accumpagnatu da a so moglia è i so fighjoli pà ssu mumentu spiciali.
Steti à senta à Frédéric Hantz, chì volta dinò annant'à u nomu di u so successori, Claude Makélélé.
Sur le même sujet
