Il sera question de l'avenir des CFC ces deux jours à l'Assemblée de Corse
(A redazzioni d'Alta Frequenza) - Hè oghji o dumani chì l'Assemblea di Corsica trattarà di l'avvena di i camini di farru di a Corsica. Dopu à a dicisioni d'ùn ricunduncia a SNCF inde a so dilegazioni di serviziu publicu, a Cullettività Tarrituriali di Corsica duvarà prununzià si nant'à l'urganisazioni nova di i camini di farru è difiniscia a forma ghjuridica nova di i CFC. Si sà chì l'Esecutivu di Corsica hà da prupona a custruzzioni di una SEM, una sucità d'ecunumia mista inde a quali si ritruvarà, aldilà di a CTC, i dui dipartimenti ma dinò a CAB è a CAPA, a SNCF participendu anch'ella. Si sà dinò chì u sindicatu maghjuritariu à i CFC, u STC, si prununziava piuttostu pà un EPIC, un stabilimentu publicu industriali è cumirciali chì, com'è a dici u so nomi, hè custituitu di capitali à 100% publichi. Pari chì l'affari sò appena mossi nant'à issa pusizioni com'è a ci dici Ghjuvanni Brignole, secretariu naziunali di u STC.
Ecoutez-le
