Incendie spectaculaire dans le Niolu : 750 hectares ravagés
(A redazzioni d'Alta Frequenza) - I servizi di succorsi è di difesa contr'à i fochi ani cunnisciutu una vera nuttata di mesi d'aostu. Ssa situazioni era guasgi scritta dopu à l'avisu di timpesta diffusatu da i servizi meteò dipoi parechji ghjorni, è soprattuttu dopu à i fochi numarosi è i dibbieri custatati dipoi calchì tempu. Cù o senza arrestu prifitturali, mani criminali si sariani ghjuvati di fulminanti pà renda ssu mesi d'uttrovi tranquillu in statina cù risichi alti. A situazioni a più critica hè stata arrighjistrata in Niolu, induva u focu chì hè partutu ind'a notti di luni à marti annant'à u tarritoriu di a cumuna d'Albertacce s'hè trasfurmatu in vera catastrofa eculogica. Paria cuntinutu u prima ghjornu, ma ssu focu hè partutu torna arimani è in particulari ind'a notti, è hà parcorsu sicondu l'ultimi infurmazioni 750 ettari à pocu pressu. A cumuna di Lozzi hà pagatu un prezzu impurtanti par via di ssa catastrofa, parchì sò à l'ingrossu 600 ettari di u so tarritoriu chì sò stati distrutti da i fiari. Stanotti, omu hà pruvatu à fà pà u meghju è u più prestu pussibuli assicurendu a difesa di i casi di u paesi, ma i disguasti annant'à a cumuna sò impurtanti com'ellu a ci dici Jean Félix Acquaviva, u so merri.
Steti à senta à Ghjuvan Filici Acquaviva.
Sur le même sujet
