Incidents SCB - OM : un verdict plus clément que les réquisitions
(A redazzioni d'Alta Frequenza) - Ssu marti, cinqui sustenidori di u SC Bastia trà 20 è 39 anni sò stati ghjudicati in passaghju subbitu da u tribunali di Bastia dopu à l'incidenti nanzi à a partita SC Bastia - Marseghja. S'è trè accusati ani ricunnisciutu i fatti, vali à dì attruppamentu è viulenzi in riunioni cù o senza incapacità tutali pruvisoria (ITT) di menu d'ottu ghjorni, dui altri ani nigatu i listessi fatti. U prucuratori di a Republica aghjuntu Jean Luc Lennon vulendu fà un "gestu forti" dopu à fatti ch'ellu hà apparagunatu à u hooliganisimu inglesi, avia dumandatu cundanni à a prighjoni pà trè accusati è prighjoni attimpata pà dui altri è intardizzioni di stadiu di parechji anni, i parti civili dumandendu parechji millai d'auri di danni è intaressi. Infini, a sintenza di u tribunali currizziunali di Bastia sarà stata assai più clementi dopu à a riqualificazioni di i fatti in colpi è feriti senza Incapacità Tutali Tempuraria annant'à parsoni micca ricunnisciuti. Unu di l'accusati, in recidiva, hè statu cundannatu à ottu mesi di prighjoni di modu attimpatu è 1 000 auri d'amenda. Un antru hè statu cundannatu à sei mesi di prighjoni attimpati è à 1 000 auri d'amenda senza scrizzioni in u bigliettinu B2 ind'u so cartulari ghjudiziariu, dui altri sò stati cundannati à sei mesi di prighjoni attimpati è à 140 ori di travaghji d'intaressu generali à fà da quì à diciottu mesi, è un ultimu ùn hè micca statu cundannatu à u benefiziu di u dubbitu. I quattru accusati cundannati ani avutu dinò un annu d'interdizzioni di tena un'arma è un'interdizzioni di stadiu cù un'ubligazioni di prisintassi in un cumissariatu quand'elli ci sarani i partiti di u SC Bastia. A parti civili, pà contu soiu, hà uttenutu 150 auri di danni è intaressi par ogni parsona essendu si lagnata.
Steti à senta à Paola Susini, avucata di dui accusati.
Sur le même sujet
