Intérieur-JIRS : même vision
(A redazzioni d'Alta Frequenza) - U pizzonu di a ghjurnata, s'è no a pudemi dì cusì, era custituitu da a cunfarenza di stampa data da i ministri di l'Internu è di a Ghjustiza, Manuel Valls è Christiane Taubira in prifittura di Corsica oghji (ghjovi), dopu à l'assassiniu di u presidenti di a CCI di Corsica Suttana, Jacques Nacer, marcuri à sera in Aiacciu. Cunfarenza di stampa trà virguletti postu ch'ellu hè sempri difficiuli inde issu gennaru di circustanzi, assai quadrati è cù un tempu di parolla limitatu, d'andà veradimenti ind'a rialità è ind'a prufundezza di i cosi. Situazioni ammintati da luntanu, ghjudizii fatti à l'infuria è cunclusioni fatti troppu à lestra facini dunqua parti com'è sempri di issu gennaru d'eserciziu è Manuel Valls ùn hà micca cambiatu l'affari. À a dumanda di sapè s'è u ministeru di l'Internu suvitava a strada difinita da a JIRS dipoi a so criazioni, vali à dì nant'à a designazioni di vii à suvità inde l'inchiesti di pulizza, Manuel Valls hà ripostu di manera viva.
Extrait de son intervention.
