JA et FDSEA ont occupé la DRAAF à Ajaccio
(A redazzioni d'Alta Frequenza) - U troppu stroppia ! Eccu u mughju di l'intersindicali agricula Corsica FDSEA è JA di i dui dipartimenti chì ani occupatu arimani (vennari) i lucali di a DRAAF, a Direzzioni Righjunali di l'Alimentazioni, di l'Agricultura è di a Furesta in Aiacciu. Sicondu ella, l'Unioni Aurupea, ind'u quadru di a Pulitica Agricula Cumuna à vena, hà dicisu, pà metta tuttu u mondu à paru, chì ogni agricultori duvarà avè u listessu gradu d'aiutu direttu à l'ettari. Ma, sempri sicondu l'intersindicali, u guvernu francesi, arrimbendu si à l'aiuti ditti "storichi", bluccaria issa voglia di cunvergenza pà "lacà cuntinuà l'inghjustizia", a Corsica essendu statu "u rughjoni u più mal trattatu di Francia" sicondu l'agricultori prisenti arimani. L'intersindicali accusa dunqua a Francia di caccià a parti di l'8 milliardi d'auri pà a Corsica chì l'hè data da l'Auropa; parti chì pudaria ghjuvà frà altru à rimpattà u ritardu di l'agricultura isulana. Oghji, l'agricultori corsi dumandani à essa trattati à paru di l'altri rughjoni francesi.
Ecoutez Joseph Colombani, président de la chambre régionale d’Agriculture, mais qui intervient ici avec la casquette de syndicaliste FDSEA de Haute-Corse.
Sur le même sujet
