Jean-Martin Mondoloni déclare officiellement sa candidature à l'élection territoriale de 2015
(A redazzioni d'Alta Frequenza) - Com'ellu l'avia annunziatu calchì tempu fà, Jean Martin Mondoloni sarà bè candidatu pà i tarrituriali di u 2015. A ci hà ditta di manera ufficiali stamani (vennari) ind'i nostri studii. Purtarà a lista di u so partitu, Une Nouvelle Corse. Un partitu di diritta chì t'hà una visioni cursista di l'avvena di l'isula è chì pudarà participà di sicuru à u dibattitu attuali. D'appressu à ellu, i priurità di l'eletti oghji sò : u residenti, a cuufficialità è a cullittività unica. Pà Jean Martin Mondoloni, ssi sughjetti, puru s'elli sò impurtanti, devini oramai lacà a piazza ad altri dibattiti. Par ellu, i primuri di i corsi, oghji, sò l'impiegu, a precarità, u sviluppu ecunomicu, a saluta è a furmazioni. Ssi tematichi sarani a basa di u so prugramma futuru.
Steti à senta à Jean Martin Mondoloni.
