L'Associu di i Parenti Corsi défend ardemment le projet de co-officialité de la langue corse
(A redazzioni d'Alta Frequenza) - L'Associu di i Parenti Corsi tinia stamani (ghjovi) una cunfarenza di stampa davanti à l'Assemblea di Corsica, à l'ora di i quistioni urali à l'Esecutivu, pà l'ultima sissioni di l'annu 2012. Un puntu di stampa davanti à lochi propiu simbolichi pà l'associu di parenti d'elevi cù u scopu d'arricà un sustegnu forti à u prughjettu di co ufficialità di a lingua corsa prisintatu da u cunsighjeru esecutivu Petru Ghionga, cù parechji punti cuntistati da certi sindicati. Difensori ardenti di u bislinguisimu à tutti i piani di a sucità isulana, l'Associu di i Parenti Corsi dumanda l'aduzzioni di issu testu da a CTC u più prestu pussibuli eppo da u Statu, ma pruponi dinò suluzioni pà guarantiscia a salvezza di a lingua corsa à longu andà : par asempiu, a criazioni di una brigada d'intarvinanti pà culmà à l'avvena a mancanza d'insignanti di u primariu ùn pudendu micca insignà u corsu pà i deci anni à vena. L'APC, chì incalca dinò nant'à u fattu chì "issa lotta pà a lingua corsa si vinciarà in carrughju", chjamendu cusì à una mubilisazioni larga.
Écoutez Denis Luciani, pour l’APC.
Sur le même sujet
