L’Associu di i Parenti Corsi réagit après la prise de position du syndicat SNUIPP-FSU sur le projet langue corse de la CTC
(A redazzioni d'Alta Frequenza) - L'Associu di i Parenti Corsi hà vulsutu riagiscia dopu à a presa di pusizioni di sindicatu SNUIPP-FSU di pettu à u prughjettu lingua corsa di a Cullettività Tarrituriali. In fatti, issu prughjettu prividaria, da valurizà a pratica di u corsu à a scola è inde tutti i lochi di a sucità, parechji misuri : pà avè un diploma com'è u bascigliè, u BEP o u CAP, ci vularà à validà cunniscenzi è cumpetenzi urali è scritti ; u trasferimentu di i parsunali amministrativi, insignanti è d'inquadramenti di l'Educazioni Naziunali, di u quali u postu hè lucalizatu in Corsica, ver di a CTC ; a pratica di u corsu com'è cundizioni d'impiecu. Un prughjettu chì hà fattu cullà in zerga u SNUIPP-FSU, pà quali "a lingua corsa devi essa vettori di leia suciali è micca di discriminazioni". Detti scemi sicondu l'APC, chì hà da dumandà à scuntrà à Petru Ghionga, u cunsighjeru esecutivu incaricatu di a lingua corsa à a CTC. Issu prughjettu, d'appressu à Denis Luciani, hè "nicissariu pà u sviluppu prugressivu di una vera sucità bislingua". Un dibattitu chì devi dinò ghjunghja in piazza publica.
Écoutez Denis Luciani.
Sur le même sujet
