L'Associu Sulidarità s'indigne de la situation de Paul-André Contadini
(A redazzioni d'Alta Frequenza) - Ssa dumenica, l'Associu Sulidarità hà urganizatu una cunfarenza di stampa pà ammintà a situazioni di Paul André Contadini, 33 anni, imprighjunatu in Fresnes pà un affari di dicembri di u 2012, è aspittendu u so prucessu dopu chì u so cartulari sighi statu chjosu di nuvembri scorsu. Quissu quì hà ricivutu nisun risposta à i so dumandi d'avvicinamentu, ciò chì faci riagiscia l'associu chì insisti nant'à u fattu chì l'articulu 34 di a legi penitenziaria dici chì "i privinuti cù a so struzzioni compia è chì aspettani di passà davanti a ghjustizia poni essa avvicinati da a so famighja fin'è u so passaghju". Una legi chì ùn hè mai stata appiecata à i prighjuneri pulitichi corsi dici l'associu, chì faci sapè a so scuntintezza dinò di pettu à u cumpurtamentu di certi survighjenti contr'à Paul André Contadini.
Steti à senta à Ghjuvan Filippu Antolini pà l'Associu Sulidarità.
Sur le même sujet
