L'heure de la rentrée a sonné pour l'IRA de Bastia
(A redazzioni d'Alta Frequenza) - Ssu luni, i 125 staziari di a trentaquattriesima prumuzioni di l’Istitutu Righjunali d’Amministrazioni di Bastia, unu di i cinqui di Francia metrupulitana, ani fattu a so riintrata. Fù l’uccasioni di parlà appena di ssa prumuzioni nova è dinò di u distinu di a prumuzioni scorsa. È l’IRA di Bastia pò essa cuntentu d’essa u più bonu di i cinqui chì asistini, cù sciffri di suddisfazioni assai alti à volta ind’è i staziari, ma dinò inde l’amministrazioni dopu à l’integrazioni di quissi quì. Soprattuttu chì tutti i staziari di l’ultima prumuzioni sò stati impiegati inde l’amministrazioni cintrali, tarrituriali o sculari. A prumuzioni 2014, appena menu feminili di pettu à quilla d’annu, t’hà novi corsi contr’à sei l’annu scorsu. È malgradu i corsi à l’ecunumia à u nivellu di u Statu, quissu quì t’hà sempri cusì bisognu d’elementi novi furmati da l’IRA, chì teni di fattu una bella dinamica.
Steti à senta a direttrici di i studii di l’IRA di Bastia, Sandrine Polychronopoulos.
