La croissance de la population en Corse portée par l’excédent migratoire
(A redazzioni d'Alta Frequenza) - Cù 8 000 ghjunti è 4 000 partenzi pà l'annata 2013, a Corsica ferma à u 3u postu di i dipartimenti cuncirnendu i flussi migratorii. Fora di i tempi forti di ghjunti è di partenzi impurtanti in i categurii d'età di i studienti, i graffichi migratorii di l'isula vani versu l'equilibriu. Cù una pupulazioni di 320 000 abitanti à u 1a di ghjinnaghju di u 2013, a Corsica hà guadantu più di 17 000 abitanti dipoi l'annu 2008. S'è no avvicinemi ssi sciffri quì à paragoni cù l'anziani regioni, a Corsica hè à u 1a postu. I muvimenti di pupulazioni in Corsica si poni lià propiu à quilli di a nova Aquitaine o di l'Uccitania. Si rimarca una tindenza nova : i parsoni chì ghjunghjini in Corsica sò piuttostu in a categuria di l'attivi, ciò chì faci righjuvaniscia a pupulazioni largamenti. In fatti, oghji nant'à l'isula, i morti trapassani assai i nasciti. I pupulazioni attivi chì ghjunghjini in Corsica sò piuttostu di più diplumati, ciò chì t'hà cù a funzioni publica cunsiquenzi impurtanti nant'à l'impiegu. Altru puntu maiò : i pupulazioni d'urighjini stragneri raprisentani 17% di i flussi migratorii è à mezu à ssi 17%, 60% ghjunghjini da a cumunità aurupea. Ssu sciffru di pupulazioni devi essa analizatu fendu assai casu, parchì i stragneri sò cuntabilizati solu à l'intrata è micca à a surtita.
Steti à senta à Magali Bonnefont, rispunsevuli studii è diffusioni inde l'INSEE.
Sur le même sujet
