Le Centre des Musiques Traditionnelles de Corse mis en cessation de paiement
(A redazzioni d'Alta Frequenza) - U Centru di i Musichi Tradiziunali di Corsica in bancarotta. L'annunziu, chì ùn hè micca daveru una surpresa, hè statu fattu stamani (marcuri) da u presidenti di u CMTC Marcel Simeoni, duranti una cunfarenza di stampa in Aiacciu. I raghjoni : soprattuttu par via di l'assenza di finanziamenti da a parti di a Cullettività Tarrituriali di Corsica in u 2012 è 2013. Marcel Simeoni hà intrapresu azzioni pà arrigulà a situazioni suciali di i dui salariati, aspittendu a dicisoni di u Tribunali di Grandi Istanza di Bastia. Una situazioni assai prublematica dopu à a riduzzioni forti di i suvvenzioni attribuiti à u CMTC, è essa stati ubligati à lacà u latu di a furmazioni pocu fà. Aspittendu una riposta pussibuli di u presidenti di u Cunsighju Esecutivu, u Centru di i Musichi Tradiziunali di Corsica hà ricivutu u sustegnu di a Cumissioni Culturali di l'assemblea di Corsica, ma ancu d'eletti naziunalisti è di parechji attori culturali. Ssa struttura chì hè par asempiu un arnesi di cuurdinazioni di a reta assuciativa è di racolta di i dati musicali voli cuntinuà à campà malgradu tuttu grazia à i so antenni è poli chì sò liati.
Steti à senta u presidenti di u CMTC, Marcel Simeoni.
