Le CORA de Haute-Corse fait le bilan de la lutte contre le racisme en 2017
(A redazzioni d'Alta Frequenza) - L'atti è i cundanni sò pochi. Eccu u bilanciu di a lotta contr'à u razzisimu in Corsica Suprana ch'ellu hà fattu u Cumitatu Uparaziunali di lotta contr'à u Razzisimu è l'Antisemitisimu. Sedeci pruceduri, chì portani soprattuttu nant'à tags, sò stati aparti da a pricura di Bastia in u 2017. Senza pudè identificà l'autori, tredeci di ssi pruceduri sò stati classificati senza seguita. I trè affari chì sò andati fin'è a fini sò sbuccati nant'à passaghji davanti a ghjustizia è cundanni d'una manera sistematica, dimustrendu una pulitica di siverità. Aldilà di l'atti isulati com'è u fattu di metta u capu di un cignali davanti un locu di cultu musulmanu, u razzisimu si manifisteghja soprattuttu in Corsica Suprana cù i tags è nant'à i reti suciali, induv'elli sò scritti tutti i ghjorni cummenti assai viulenti.
Steti à senta à Caroline Tharot, prucuratori di a Republica di Bastia.
