Le groupement A Stella s'engage pour l'épanouissement de la langue corse dans la société
(A redazzioni d'Alta Frequenza) - I raprisintanti di l'Usservatoriu Righjunali di a Saluta, di l'ADMR di Corsica Suttana è di u gruppu suciali è medicosuciali A Stella ani firmatu chì hè pocu a Cartula di a lingua corsa di a Cullettività Tarrituriali. Trè associ impurtanti inde l'isula chì ani dicisu dunqua di suvità a strada di tanti altri nanzi à elli, ma ancu di numarosi cumuni o intrapresi avendu fattu a scelta d'inseriscia nentru à i so strutturi a lingua corsa grazia à furmazioni di i parsunali o ancu cù a missa in ballu di una vera signaletica. Femi un zoom oghji annant'à u gruppu A Stella chì, grazia à a so parti Accumpagnamentu Ambulatoriu, accumpagna è susteni più di 250 zitelli, adulescenti è parsoni maiò, chì t'ani i difficultà chì rendini nicissaria a missa in opara di mezi medicali è educativi, pà parmetta li d'essa scularizati, integrati ind'a sucità è ind'u mondu prufiziunali in tutti i lochi di a vita di tutti i ghjorni.
Steti à senta à Pasquale Martelli, direttori di ssu polu.
Sur le même sujet
