Le PNC et le groupe Avanzemu reviennent sur les discussions relatives à l'autonomie de la Corse
Marcuri, via una cunfarenza di stampa, u PNC è Avanzemu, u so gruppu à l’assemblea, sò turrati à parlà di i discussioni pà l’autunumia di a Corsica.
Trattendu si di u scrittu vutatu a sittimana passata, rigreta Avanzemu chì u cunsensu trà naziunalisti si sichi fattu à spiccera in i curridora di l’assemblea corsa, tredici mesa dopu à l’inizià di u prucessu.
Ma ci hè quantunca a suddisfazzioni di veda ritinuta l’idea d’un ritrovu da quì à quindici anni, chì si tratta à veru d’autodeterminazioni, ancu puri ch’idda ùn sichi mintuvata a parolla.
Oramai, Avanzemu torra à ripiddà a so piazza d’uppusizioni à a maiurità tarrituriali, una piazza ch’issa maiurità, ghjustamenti, ni saria in gran’parti rispunsevuli.
Steti à senta à Saveriu Luciani, à nomu di u gruppu Avanzemu.
U PNC sparti a stessa meza suddisfazzioni, è aspetta oramai di veda calchì muvimentu da i parti di l’Eliseu.
Intantu, u partitu porta sustegnu à i militanti naziunalisti ghjudicati chì hè pocu, in lu quadru lli manifistazioni successi dopu à l’assassiniu d’Yvan Colonna. Par certi di quisti, è com’è mai, l’amendi sò stati sprupusitati.
Steti à senta à Pascal Zagnoli, u sicritariu naziunali di u PNC.
