Le procureur de la République de Bastia fait un point concernant les stupéfiants en Haute-Corse
(Julien Pernici - Alta Frequenza) - Un trafficu di droghi cuncirnendu u rughjoni bastiacciu hè statu scioltu in Corsica Suprana. U procuratori di a Republica di Bastia, Dominique Alzeari, hà fattu un puntu issu ghjovi nant'à st'affari. Un affari di longu andà, postu chì i primi inchiesti sò partuti da a Castagniccia, sei mesi fà, à partasi di un cunsumatori. Setti parsoni sò stati arristati, frà i quali quattru sò stati missi sottu à i marchjoni. Parechji mutivi d'accusazioni com'è u trafficu, a rivendita è a cunsumazioni d'arba, di shit è di cocaina in gruppu urganizatu pesani nant'à iss'omi quì. Iss'ultimi risicheghjani deci anni di prighjò, una cundanna duppiata in casu di recidiva. À st'uccasioni, u prucuratori di a Republica hà fattu un puntu nant'à i droghi in Corsica Suprana. Dipoi u principiu di l'annata, 195 cartulari sò stati censati à issu sughjettu, frà i quali più di una cintina cuncirnendu principalmenti a cunsumazioni di droghi.
On écoute Dominique Alzeari, le procureur de la république de Bastia
Sur le même sujet
