Le tribunal administratif de Bastia annule partiellement le PADDUC
(A redazzioni d'Alta Frequenza) - Ssu ghjovi, u tribunali amministrativu di Bastia hà suvitatu i racumandazioni di u rapurtadori publicu è annulatu d'una manera parziali u PADDUC, nant'à u so latu di i spazi strategichi agriculi. Sicondu u contu resu di a dicisioni di u tribunali amministrativu, "mentri a durata di l'inchiesta publica è dopu à un errori di l'autorità urganizatrici di l'inchiesta chì ùn hè mai stata curetta, dui ghjochi di carti di i spazi strategichi agriculi à unu cinquantamillesimu sò stati missi à dispusizioni di u publicu di modu successivu, unu da u 4 fin'è u 27 di maghju di u 2015 cù un'allarghera massima di i spazi strategichi agriculi, currispundendu à a lucalisazioni di i spazi strategichi agriculi com'è pinsata à ssu mumentu quì da a cullittività tarrituriali di Corsica, u sicondu à partasi da u 28 di maghju di u 2015 è fin'è a fini di l'inchiesta u 3 di lugliu di u 2015, cumpurtendu un'allarghera ridutta. Di fatti, tutti i parsoni chì ani participatu à l'inchiesta publica trà u 28 di maghju è u 3 di lugliu ani trovu à u cartulari di l'inchiesta publica una carta di i spazi strategichi agriculi chì ùn era micca ghjusta. St'errori, chì purtava nant'à unu di i punti principali di u PADDUC pà una superficia chì a cullittività di Corsica valuteghja ella stessa à 10%, vali à dì à pocu pressu 10 000 ettari di spazi strategichi agriculi, ùn hà micca parmissu à ssi parsoni d'apprezià d'una manera esatta l'inghjochi è i cunsiquenzi di u prughjettu in lita è l'hà privi d'una guaranzia". Vali à dì chì a cartugraffia di i spazi strategichi agriculi duvarà parta torna da u principiu.
Steti à senta à Charlotte Cesari, avucata di i cumuni chì aviani prisintatu u ricorsu.
Sur le même sujet
