Législatives dans la 1ère circonscription de Corse-du-Sud : la réaction du vainqueur Laurent Marcangeli
(A redazzioni d'Alta Frequenza) - "L'emi fatta. Emi datu à a Corsica una vittoria storica" : eccu u riassuntu in calchì parolla di l'emuzioni di Laurent Marcangeli, chì hà battutu u diputatu Simon Renucci, ind'a prima circuscrizzioni di Corsica Suttana. Una vittoria à l'accorta, 287 voti solu di scartu in fatti trà u ghjovanu candidatu UMP è u merri Corse Social Démocrate, Simon Renucci. In fini, Laurent Marcangeli vinci cù 50,52% di i voti spressi, contr'à 49,48% pà u so avversariu. Nant'à a cità d'Aiacciu stessa, u scartu hè di 880 voti, cù 53,17% pà u raprisintati UMP è 46,83% pà quillu di a maghjurità prisidinziali. L'elettu novu ùn piattava micca a so gioia. Hà pricisatu ch'ellu saria u diputatu di a 1a circuscrizzioni d'Aiacciu, è aldilà u diputatu di a Corsica. U cunsighjeru ghjinirali UMP hà dittu dinò ch'ellu faria passà i primuri di a Corsica in priurità. S'è nant'à i grandi temi naziunali, Laurent Marcangeli hà pricisatu ch'ellu suvitarà u so partitu, si pudaria scantà da quissu quì, s'è certi pruposti di legi andaghjiani à l'incontru di a so visioni di l'avvena di Corsica.
Ecoutez Laurent Marcangeli.
Sur le même sujet
