Les Verts : décentralisation ou déréglementation ?
(A redazzioni d'Alta Frequenza) - Europe Écologie les Verts, à l'uccasioni di una cunfarenza di stampa, hè vultatu nant'à a riunioni in Parighji trà Marylise Lebranchu, Manuel Valls è una dilegazioni d'eletti di a Corsica. D'appressu à Les Verts, si và appena troppu in furia annunziendu u principiu di un novu prucedimentu dittu di Matignon parchì ùn ci hè nulla chì hè statu dittu di bè pricisu. Les Verts a dicini di manera chjara è ss'infrasata sola riassumi tutta a prufundezza di a so pinsata: "u passaghju vulsutu da una Republica "ghjacubina" à un'urganisazioni federalista à chì cridimi ùn pò essa cuncipita senza a criazioni di un fondu di perequazioni chì mittaria à paru a ricchezza di i tarritorii". Tuttu hè dittu in calchì parolla è Julia Sanguinetti ci hà ripitutu què à u nostru microfonu.
Steti à senta à Julia Sanguinetti.
Sur le même sujet
