Maritime: la délégation de service public est bel et bien transmissible
(A redazzioni d'Alta Frequenza) - "Iè ssa dilegazioni si pò trasmetta!" T'avia a raghjoni Paul Giacobbi, a Dilegazioni di Serviziu Publicu pò bè essa trasmessa. Sughjettu di disaccordu duranti parechji sittimani, o ancu d'incumprensioni di tali o tali parti, o ancu dinò di mediatisazioni particulari, ssa quistioni di primura forsa pà l'arrigulamentu di u prublema hà ricivutu infini una risposta oghji (marcuri). A diputata marsighjesa Marie Arlette Carlotti hà lampatu in fatti una chjama dopu meziornu à l'Assemblea naziunali à u Secretariu di Statu à i Trasporti annant'à a situazioni di a SNCM, è di manera più pricisa annant'à u statu di i discussioni inghjiru à ssu famosu prublema di a trasmissibilità di a DSP cù a Cumissioni Aurupea. Alain Vidalies, chì era pessimistu eppuru torna calchì ghjornu fà, l'hà ditta forti : a Dilegazioni di Serviziu Publicu pudarà essa trasferita in parechji parti pà una ripresa pussibuli di a cumpagnia marittima.
Steti à senta à Alain Vidalies, u Secretariu di Statu à i Trasporti.
Sur le même sujet
