Municipales en Corse: des conséquences sur le déroulé de la vie politique insulaire?
(A redazzioni d'Alta Frequenza) - A festa hè compia pà certi, i lacrimi di a disfatta ùn sò ancu secchi daveru pà d'altri chì a vita pulitica hà dighjà ripresu. C'era un ambienti particulari stamani (luni) à l'assemblea di Corsica parchì l'assenti erini numarosi è u quorum hè statu trovu ghjustu ghjustu. Hè vera chì i dui raporti à u prugramma, un avisu annant'à a dicintralisazioni è un prughjettu di biomassa, ùn pudiani micca mubilizà i gruppi d'ogni parti. I parsunaghji maiò di l'alizzioni di ss'ultimi ghjorni erini tutti assenti è i ghjurnalisti, chì circariani sempri u pelu inde l'ovu, ùn ani guasgi micca avutu ciò ch'elli spiravani d'avè. Marie Antoinette Santoni Brunelli ùn avia micca strada à fà pà ghjunghja fin'è l'assemblea di Corsica ma dipoi dumenica à sera a strada chì và da a Vechja Cità fin'è u Grand Hôtel s'hè allargata daveru. Guasgi lacata da u so cantu calchì sittimana fà ind'u so gruppu, a numaru quattru di a nova maghjurità d'Aiacciu volta à l'assemblea in pusizioni di forza. Prudenti pà ciò chì tocca un cambiamentu di a cunfigurazioni di u mondu puliticu isulanu, pensa quantunqua chì ss'alizzioni t'avarà cunsiquenzi annant'à a vita pulitica corsa.
Steti à senta à Marie Antoinette Santoni Brunelli.
Sur le même sujet
