Négociations entre syndicats et la direction d'EDF-GDF Corse : la satisfaction du STC
(A redazzioni d'Alta Frequenza) - I raprisintanti di i sindicati STC è CGT ani scuntratu eri (marcuri) a direzzioni di EDF GDF Corsica. Parechji punti cù parti diversi erani à dibatta duranti neguziazioni com'è l'impiecu, i cundizioni di travaghju, u seriviziu publicu, ma ancu a precarità. È dopu à parechji ori di discussioni, dui di i rivindicazioni, è micca l'ultimi di u STC sò sbuccati : in fatti, l'urganisazioni hà uttenutu pà u periudu 2012/2013 chì l'effettivu di u centru Corsica, fissatu da un accordu suciali, passessi da 792 à 802 agenti, ma dinò a missa in ballu di una cunvenzioni à partasi da u 2012 pà dui filieri d'amparera dedicati à a clientela. Da u cantu di u sindicatu naziunalistu, a suddisfazioni hè prisenta ancu puru s'ellu si stima chì l'affari ùn sò micca compii malgradu tuttu.
Ecoutez Jean-Robert Mignucci, secrétaire STC EDF-GDF
