Nouvel assassinat en Corse : intervention de Paul Giacobbi à l'Assemblée Nationale
(A redazzioni d'Alta Frequenza) - Novu assassiniu in Corsica oghji (marti), u diciottesimu dipoi u principiu di l'annu. In principiu di dopu meziornu, Victor Ribeiro, hè cascatu sottu à i balli di unu o parechji tiradori in Corsica Suprana. I fatti sò accaduti, vicinu à una stazioni serviziu di Prunete (cumuna di Cervioni), mentri chì a vittima era partuta da un risturanti è ch'ella era in traccia di cunducia a so vittura, vicinu à quissa quì. Victor Ribeiro hè un intraprenadori stallatu in Muriani. Sicondu i primi custatazioni, saria statu feritu di modu murtali in pettu è in faccia da un fucili di caccia. Dopu à iss'umicidiu novu, i riazzioni ùn si sò micca fatti aspittà. Davanti à l'Assemblea Naziunali, i dui diputati Marcangeli è Giacobbi ani ammintatu torna issu prublema. Paul Giacobbi, diputatu di a siconda circuscrizzioni di Corsica Suprana è Presidenti di u cunsighju esecutivu hà parlatu anch'ellu. Hà vulsutu dì chì i dichjarazioni di u Statu pà sradicà issa criminalità è iss'assassinii ùn duviani micca firmà à u pianu di a simplici bona vulintà. Hà rammintatu i mezi missi in ballu da l'Assemblea di Corsica pà luttà contr'à a speculazioni frà altru. Paul Giacobbi hà dinò ammintatu una situazioni ch'ellu cunnosci ellu d'assai vicinu.
On l’écoute.
