Nouvel homicide en Corse
(A redazzioni d'Alta Frequenza) - C'hè statu un assassiniu novu stamani (luni) in Corsica Suttana. I fatti sò accaduti ind'u paisolu di u Pughjali annant'à a cumuna di Figari. I spignifochi di u settori sò stati chjamati, sicondu i primi elementi racolti, pà un accidenti di a strada. Ma una volta ch'elli sò ghjunti sopralocu, i succorsi si sò accorti chì a vittima hè stata tomba da balli. Ùn c'hè nisun altru elementu in più par avà, si sà solu chì l'omu chì hè statu tombu t'avia una cinquantina d'anni, è ch'ellu viaghjava annant'à un scooter quand'elli sò accaduti i fatti. A gendarmeria è i servizii di u prucuratori rializeghjani i primi investigazioni.
Sur le même sujet
