Nouvelle mobilisation contre la réforme des rythmes scolaires
(A redazzioni d'Alta Frequenza) - Più di centu insignanti di u primu gradu si sò aduniti ssu ghjovi da mani davanti u retturatu di Corsica in Aiacciu, à a chjama di i sindicati STC, FO, SNU IPP è UNSA, pà fà cunnoscia torna una volta a so uppusizioni à a riforma di i ritimi sculari. Una riforma chì batti à prò rammintemu la di un ritornu à a settimana di quattru ghjorni è mezu, chì faci di più in più parlà d'ella di una gattiva manera, è appiecata in Corsica dipoi a riintrata 2013 solu da ondeci cumuni. I cullettività lucali t'ani fin'è a riintrata chì veni pà metta in ballu ssa riforma quì, malgradu una mancanza maiò di mezi finanziarii pà pudè pighjà in carica i trasporti sculari in più o ancu i parsunali didicati à l'attività perisculari. I sindicati ùn volini micca senta parlà di ciò ch'elli qualificheghjani di "pseudo riforma", mal assestata è senza mezi finanziarii cunsequenti, senza scurdà si d'ammintà i cunsiquenzi nant'à u zitellu stancu, tucchendu di fattu tutta un'istituzioni. Una scuntintezza chì ùn rileva mancu appena di un affari di curpuratisimu, d'appressu à Jean Pierre Luciani, pà u STC Educazioni.
Steti à senta à Jean Pierre Luciani.
Sur le même sujet
