Padduc : un dossier de poids
(A redazzioni d'Alta Frequenza) - 3000 paghjini, piombu ! Hè un cartulari pisivu ch'elli ani studiatu vennari in privatu l'eletti di l'assemblea di Corsica ind'a sala di i deliberazioni guasgi tutta a ghjurnata. 3000 paghjini, pari assai, eppuru hè un travaghju maiò chì paria nicissariu pà pudè stabiliscia simpliciamenti l'avvena di un'isula di 320 000 abitanti è què à tutti i nivelli di u sviluppu ecunomicu, suciali è culturali. Carti, noti spiegativi, provani à difiniscia un ducumentu annant'à a prutezzioni di più di 100 000 ettari di tarri agriculi, guasgi 68 000 ettari di spazi prutetti è 12 000 ettari chì poni essa "modulati". Ci vularà torna assai tempu hè sicura, è assai travaghju torna, pà tutti l'eletti pulitichi corsi pà pudè fà a "digestioni" di una mansa di dati pà sbuccà annant'à un accunsentu ipoteticu. U prublema hè ch'ellu ferma pocu tempu !
Steti à senta à Maria Giudicelli, cunsighjera esecutiva in carica di u Padduc.
