Projet de réforme des professions libérales : importante mobilisation des pharmaciens à Ajaccio
(A redazzioni d'Alta Frequenza) - I mistieri liberali sò in greva ssu marti in Francia sana contr'à u prughjettu di riforma di u guvernu chì i cuncerna. Avucati, nutari, usceri ma dinò farmacisti, biulugisti, generalisti, spicialisti o dintisti ani dicisu di ùn micca travaghjà oghji. Un muvimentu suvitatu propiu bè in Corsica da i farmacisti, assai numarosi stamani (marti) davanti a prifittura di Corsica in Aiacciu. Ind'u so casu pricisu, i prufiziunali di saluta sò contr'à a srigulamentazioni di a distribuzioni di i medicini, cù l'allarghera di a vendita di una parti di quissi quì ind'i magazeni, o ancu l'apartura pussibuli di ssi farmacii à u capitali, misuri privisti in ssu prughjettu di riforma. L'inchietudini : a sarratura di parechji farmacii ind'u rurali, parechji parsoni à u disimpiegu è un periculu pà a securità sanitaria.
Steti à senta à François Gazano, presidenti di l'Unioni di i Medichi Liberali di Corsica sizzioni farmacisti.
